BOSHLANG‘ICH TA’LIMDA INTERAKTIV METODLARNING O‘QUV SAMARADORLIGIGA TA’SIRI

Abstract

Mazkur maqolada boshlang‘ich ta’lim jarayonida interaktiv metodlardan foydalanishning o‘quv samaradorligiga ta’siri ilmiy-pedagogik nuqtayi nazardan tahlil qilinadi. Interaktiv metodlarning o‘quvchilarning darsdagi faolligi, mustaqil va tanqidiy fikrlashi, kommunikativ kompetensiyasi, ijodiy qobiliyati hamda ta’lim olishga bo‘lgan motivatsiyasini rivojlantirishdagi imkoniyatlari yoritiladi. Shuningdek, boshlang‘ich sinflarda “Aqliy hujum”, “Klaster”, “Venn diagrammasi”, “BBB”, “Juftlikda ishlash” va “Kichik guruhlarda ishlash” kabi interaktiv metodlardan foydalanishning pedagogik xususiyatlari ochib beriladi. Interaktiv ta’limni samarali tashkil etishda o‘qituvchining metod tanlash, o‘quvchilarning yosh va individual xususiyatlarini hisobga olish hamda ta’lim jarayonini to‘g‘ri tashkil etishdagi roli asoslab beriladi. Tadqiqot natijalari interaktiv metodlardan maqsadli va tizimli foydalanish boshlang‘ich ta’lim sifatini oshirishga xizmat qilishini ko‘rsatadi.