PROFILAKTIKA INSPEKTORINING BOZOR HUDUDLARIDA HUQUQBUZARLIKLAR PROFILAKTIKASINI AMALGA OSHIRISHDA PATRUL-POST XIZMATI BILAN OʻZARO HAMKORLIGINI TAKOMILLASHTIRISH.

Abstract

Mazkur maqolada profilaktika inspektorining bozor hududlarida huquqbuzarliklar profilaktikasini amalga oshirish jarayonida patrul-post xizmati xodimlari bilan o‘zaro hamkorligini takomillashtirish masalalari kompleks ravishda tadqiq etilgan. Bozor hududlari aholining, tadbirkorlik subyektlarining, xaridorlarning, xizmat ko‘rsatuvchi shaxslarning hamda turli ijtimoiy guruhlarning doimiy ravishda to‘planishi bilan ajralib turadigan jamoat joylaridan biri hisoblanadi. Mazkur hududlarda fuqarolarning ko‘pligi, savdo-sotiq jarayonlarining uzluksizligi, transport vositalari va piyodalar harakatining yuqoriligi, turli hududlardan kelgan shaxslarning ishtiroki hamda huquqiy tartibotni ta’minlash bilan bog‘liq vazifalarning ko‘pligi huquqbuzarliklarning oldini olish bo‘yicha profilaktik choralarni tizimli va muvofiqlashtirilgan tarzda amalga oshirishni talab etadi. Shu nuqtayi nazardan, profilaktika inspektori va patrul-post xizmati o‘rtasidagi hamkorlikning samarali tashkil etilishi bozor hududlarida jamoat tartibini saqlash, fuqarolar xavfsizligini ta’minlash, huquqbuzarliklarning sodir etilishiga sabab bo‘luvchi shart-sharoitlarni aniqlash va bartaraf etish hamda huquqbuzarlikka moyil shaxslar bilan profilaktik ishlarni kuchaytirishda muhim ahamiyat kasb etadi.