OʻZBEKISTON RESPUBLIKASI KONSTITUTSIYASIDA HUQUQBUZARLIKLAR PROFILAKTIKASI NORMALARINING QOʻLLANILISHINI TAKOMILLASHTIRISH.

Abstract

Ushbu maqola O‘zbekiston Respublikasi Konstitutsiyasida belgilangan huquqbuzarliklar profilaktikasi normalari va ularning amaliyotda qo‘llanilish masalalarini o‘rganishga bag‘ishlangan. Huquqbuzarlikning oldini olish va jamiyat xavfsizligini ta’minlash davlatning asosiy vazifalaridan biri sifatida Konstitutsiyada mustahkamlangan. Tadqiqotda huquqbuzarliklar profilaktikasi sohasida normativ-huquqiy hujjatlarning ahamiyati, ularni amaliyotga tadbiq etishdagi muammolar va takomillashtirish yo‘nalishlari tahlil qilingan. Maqolada Konstitutsiyada belgilangan prinsiplar va normalarning samarali qo‘llanilishi jamiyatdagi huquqiy madaniyatni oshirish, jinoyatchilikni kamaytirish va fuqarolar huquqlarini himoya qilish bilan chambarchas bog‘liq ekanligi ko‘rsatildi. Shuningdek, profilaktika tadbirlari faqat ichki ishlar organlari va boshqa davlat tashkilotlari bilan cheklanib qolmasdan, mahalla, ta’lim muassasalari va jamoat tashkilotlari bilan hamkorlikda amalga oshirilishi lozimligi ta’kidlandi. Maqolada shuningdek, xorijiy tajribalar va ularni milliy amaliyotga tatbiq etishning samarali usullari tahlil qilindi. Bunda jinoyatchilikka qarshi kompleks yondashuv, hududiy monitoring tizimi, fuqarolar va jamoatchilik ishtiroki hamda zamonaviy texnologiyalarni qo‘llash muhim omillar sifatida belgilandi. Tadqiqot natijalari shuni ko‘rsatdiki, huquqbuzarliklar profilaktikasi normalarining samarali tatbiq etilishi davlat boshqaruvi samaradorligini oshiradi, fuqarolarning huquqiy madaniyatini rivojlantiradi va jamiyatda ijtimoiy barqarorlikni ta’minlaydi.