INKLYUZIV TA’LIMDA KAR BOLALARNI IJTIMOIY MOSLASHTIRISH MUAMMOSI

Annotatsiya

Annotatsiyada Surdopedagogika va inklyuziv ta’lim tizimida eshitishida nuqsoni bo‘lgan bolalarning ijtimoiy moslashuvi bilan bog‘liq dolzarb muammolar yoritilgan. Tadqiqotda kar va zaif eshituvchi bolalarning umumta’lim muassasalaridagi kommunikativ faoliyati, tengdoshlar bilan ijtimoiy munosabatlari, psixologik moslashuvi hamda ta’lim jarayonidagi ishtiroki tahlil qilinadi. Ilmiy manbalar tahliliga ko‘ra, inklyuziv muhitda ta’lim olayotgan eshitishida nuqsoni bo‘lgan bolalar ko‘pincha muloqotga kirishish, jamoaga moslashish va ijtimoiy faollikni namoyon etishda qiyinchiliklarga duch keladilar. Tadqiqotlarda ularning ijtimoiy chekinish holati yuqoriroq ekani va kommunikativ kompetensiyalar yetarlicha shakllanmagani qayd etilgan. Maqolada inklyuziv ta’limning kar bolalar ijtimoiy rivojlanishidagi ahamiyati, pedagog va ota-onalarning hamkorligi, ishora tili, zamonaviy axborot-kommunikatsiya texnologiyalari hamda maxsus pedagogik yondashuvlarning samaradorligi ilmiy asosda yoritiladiTadqiqot natijalari inklyuziv ta’lim jarayonida kar bolalarning ijtimoiy moslashuvini rivojlantirish uchun maxsus kommunikativ metodlar, ijtimoiy ko‘nikmalarni shakllantirish dasturlari va individual pedagogik yondashuvlarni takomillashtirish zarurligini ko‘rsatadi.