ЗАМОНАВИЙ ФИТРАТШУНОСЛИК: МАНБАШУНОСЛИК, МАТНШУНОСЛИК ВА ЯНГИ ТАДҚИҚОТ ЙЎНАЛИШЛАРИ
Keywords:
Абдурауф Фитрат, фитратшунослик, манбашунослик, матншунослик, жадидчилик, миллий уйғониш, адабиётшунослик, архив, қўлёзма, илмий-танқидий матн, рақамли гуманитаристика, электрон корпус.Abstract
Мазкур тезисда XX аср бошларидаги ўзбек миллий уйғониш ҳаракатининг йирик намояндаларидан бири Абдурауф Фитратнинг ҳаёти ва илмий-адабий меросини замонавий илмий ёндашувлар асосида ўрганиш масалалари ёритилади. Фитратшуносликнинг шаклланиш ва ривожланиш жараёни, унинг манбавий асослари, асарларни илмий-матний жиҳатдан тадқиқ этиш муаммолари таҳлил қилинади. Фитрат меросини ўрганишда қўлёзма ва босма манбалар, даврий матбуот, архив ҳужжатлари, биринчи нашрлар ҳамда кейинги илмий нашрларнинг аҳамияти очиб берилади. Шунингдек, Фитрат асарларини матншунослик нуқтаи назаридан қиёсий ўрганиш, матннинг асл вариантини тиклаш, илмий-танқидий нашрлар тайёрлаш масалаларига эътибор қаратилади. Замонавий фитратшуносликда рақамли гуманитаристика, электрон матнлар корпуси, лингвостатистик таҳлил, рақамли библиография, компаративистика ва фанлараро тадқиқотлар янги истиқболли йўналишлар сифатида асосланади.
