MAHALLA YETTILIGI XODIMLARINING HUQUQBUZARLIKLARNING IJTIMOIY PROFILAKTIKASI FAOLIYATI BOʻYICHA HISOBDORLIK TARTIBI VA BAXOLASH ME’ZONLARINI TAKOMILLASHTIRISH.

Abstract

Ushbu maqola mahalla yettiligi xodimlarining huquqbuzarliklarni ijtimoiy profilaktika faoliyati doirasidagi hisobdorlik tartibi va baholash me’zonlarini takomillashtirish masalalariga bag‘ishlangan. Bugungi kunda jamiyatda huquqbuzarliklarning oldini olish va ijtimoiy barqarorlikni ta’minlashda mahalla yettiligi xodimlarining roli muhim ahamiyat kasb etadi. Shu bilan birga, ularning faoliyati samaradorligini baholash va hisobdorligini tartibga solish masalalari hali ham dolzarb va takomillashtirishni talab qiladigan yo‘nalishlardan biridir. Maqola doirasida birinchi navbatda mahalla yettiligi xodimlarining vazifalari, ularning huquqbuzarliklarni oldini olishdagi o‘rni va jamiyatdagi ijtimoiy muhitga ta’siri o‘rganilgan. Shu bilan birga, amaliyotdagi mavjud baholash mexanizmlari, xodimlarning faoliyatini monitoring qilish va nazorat qilish tartiblari tahlil qilinadi. Tadqiqot natijalari shuni ko‘rsatdiki, mavjud baholash me’zonlari ko‘pincha aniq mezonlar va indikatorlar yetishmasligi sababli samarali ishlamaydi. Shu bois, maqolada yangi baholash tizimini joriy etish, xodimlarning hisobdorligini oshirish va ularning ijtimoiy profilaktika faoliyatini tizimli tarzda rivojlantirish bo‘yicha takliflar ishlab chiqilgan. Shuningdek, maqolada mahalla yettiligi xodimlarining ish faoliyatini baholashda sifat va samaradorlikni o‘lchash usullari hamda ijtimoiy indikatsiyalarni hisobga olish zarurligi ta’kidlangan. Masalan, huquqbuzarliklarning oldini olishda xodimlar tomonidan amalga oshiriladigan profilaktik tadbirlar, fuqarolar bilan ishlashning sifat ko‘rsatkichlari va jamiyatda xavfsizlikni oshirishga qo‘shgan hissasi tizimli tarzda baholanadi. Bundan tashqari, maqolada xodimlarning faoliyatini rag‘batlantirish va ular uchun malaka oshirish dasturlarini ishlab chiqish bo‘yicha tavsiyalar berilgan. Ushbu tadqiqotning natijalari nafaqat mahalla tizimi xodimlari uchun, balki huquqni muhofaza qilish organlari, ijtimoiy xizmatlar va davlat boshqaruv organlari uchun ham amaliy ahamiyatga ega. Takomillashtirilgan baholash me’zonlari va hisobdorlik tizimi jamiyatda huquqbuzarlikning oldini olish, profilaktika tadbirlarini samarali tashkil etish va mahalla xodimlarining professional faoliyatini rivojlantirishga xizmat qiladi.