PROFILAKTIKA INSPEKTORINING VOYAGA YETMAGANLAR ORTASIDA HUQUQBUZARLIKLARNING YAKKA TARTIBDAGI PROFILAKTIKASINI TAKOMILLASHTIRISH CHORA-TADBIRLARI.

Abstract

Ushbu maqolada profilaktika inspektorining voyaga yetmaganlar o‘rtasida huquqbuzarliklarning yakka tartibdagi profilaktikasini takomillashtirishga qaratilgan chora-tadbirlar tizimi tahlil qilinadi. Bugungi kunda jamiyatda voyaga yetmaganlar tomonidan sodir etilayotgan huquqbuzarliklarning oldini olish masalasi davlat siyosatining ustuvor yo‘nalishlaridan biri hisoblanadi. Shu nuqtai nazardan, profilaktika inspektorlari faoliyati yoshlarning ijtimoiy, ma’naviy, huquqiy tarbiyasini shakllantirishda muhim o‘rin tutadi. Maqolada yakka tartibdagi profilaktika tushunchasi, uning mazmun-mohiyati, amalga oshirish mexanizmlari va amaldagi huquqiy asoslar keng yoritilgan. Tadqiqot davomida mavjud me’yoriy-huquqiy hujjatlar, O‘zbekiston Respublikasi Ichki ishlar vazirligi tizimidagi uslubiy tavsiyalar hamda xalqaro tajribalar o‘rganildi. Shuningdek, voyaga yetmaganlar bilan ishlashda individual yondashuvning samaradorligini oshirish, oila va ta’lim muassasalari bilan hamkorlikni kuchaytirish, psixologik qo‘llab-quvvatlash mexanizmlarini rivojlantirish masalalari alohida tahlil qilindi. Maqolada shuningdek, profilaktika inspektorlarining kasbiy tayyorgarligini oshirish, ularning zamonaviy pedagogik va psixologik ko‘nikmalarini rivojlantirish, axborot texnologiyalaridan samarali foydalanish kabi chora-tadbirlar muhim ahamiyatga ega ekanligi ta’kidlangan. Yakka tartibdagi profilaktik ishlarni takomillashtirish orqali voyaga yetmaganlarning huquqbuzarlikka moyilligini kamaytirish, ularni sog‘lom ijtimoiy muhitga qaytarish imkoniyati ortadi. Tahlillar shuni ko‘rsatadiki, har bir voyaga yetmagan shaxsning shaxsiy xususiyatlarini chuqur o‘rganish, ularning oilaviy muhitini, psixologik holatini, ta’limdagi faolligini inobatga olish yakka tartibdagi profilaktikaning samaradorligini belgilovchi asosiy omildir. Shu boisdan maqolada ilgari surilgan chora-tadbirlar nafaqat profilaktika inspektorlari uchun, balki ta’lim, sog‘liqni saqlash, mahalla va ijtimoiy xizmat tizimlari uchun ham amaliy ahamiyatga ega.